Слава: И ныне: Богородичен
Связан ныне многими пленницами грехов, и оправданий Творца и Спасителя моего отшед, от того в страсти беды впадох, ныне к Тебе прибегаю, моему спасению, и вопию: помози ми, Мати Божия, обрести оправдания Сына Твоего и пути Его.
Христос моя сила, Бог и Господь, Иже пришел еси даровати падшему созданию оправдания Своя, Имже вовеки оправдаюся.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Широк путь зде и угодный сласти творити, имже удобь идут в муку вечную, иже скорбь приимут, егда душа от тела рузлучатися будет. Ты же, Милосердный Спасителю мой, спасительной тесноты и тяготы Пути Твоего, Иже Сам еси, сподоби.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Почто, душе моя, бегаеши оправданий Творца Своего, почто ад и муку себе готовиши? Остави сия и прибеги ко Судии своему, Единому мощи оправдати тя.
Слава: О, безумный человече, почто оправданий Господа своего избегаеши, почто возлюбил еси суету и лжу самонадеянного лукавого века сего, ищущего оправдания себе в безумстве своем? Остави сия и покайся ради оправданий Судии Твоего, Премудрости и Смыслов Подателя.
И ныне: Госпоже Богородице, Мати Господа и Судии моего, сподоби мя стати во оправдниях Сына Твоего Царствия ради Его.
Божиим светом Твоим, Блаже, оправданий Твоих сподоби мя, да покрою греховную наготу мою светом одеяния Твоего.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Вспомяни, окаянный человече, яко лжам, клеветам, лукавству, лжи, суете подлого наглого мира сего приобщен еси, бегаяй Творца твоего оправдания.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Трепещу весь яко лист, чая осуждения вечного по грехом моим, и вечного посрамления, иже заслужил еси, и во ад заключения, но Ты же, Спасителю мой, обнови душу мою во оправданиях Твоих!
Слава: Блудника и разбойника кающася приял еси, Спасе, и гонителя в число учеников включил еси, ныне же меня, кающегося, прими в число сопричастников оправданий Твоих
И ныне: Дивная и скорая помощнице всем человеком, Мати Божия, помози ми, недостойному, возжадаша бо душа моя оправданий Сына Твоего и Бога.
В житейское море, воздвизаемое зря напастей бурею, ныне немощный аз, погружаюся, и скверны мира сего приобщаюся, и оправданий Твоих удаляйся, вопию: возведи живот мой на скалу оправданий Твоих к Нерушимой Стене спасения Твоего.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Житие на земле блудно иждих и душу начальнику скверны предах, ныне убо молю Тя, Милостивый Владыко: свободи мя от работы сего вражия и даждь ми разум взыскати оправданий Твоих.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Кто творит таковая, якоже аз? Яко свиния в калу, тако и аз во бездны греза устремляюся и оправданий Твоих удаляюся, не разумея взыскати Тебя, Творца и Спасителя моего.
Слава: Воспряни, окаянный человече, к Богу, и отрини клевету начальника лжи и губителя твоего, Той же, яко Многомилостив, даст ти разумети волю и оправдания Своя.
И ныне: Богородице Дево, Стена спасения Нерушимая, и Гора Тучная Усыренная, приведи мя к пристани вожделенной оправданий милости Сына Твоего.
