Матерь Божия, введи меня во образ Твоего небесного материнства. Уврачуй душевные и телесные раны чад моих (имена), моими грехами нанесенные. Врачую дитя мое всецело Господу моему Иисусу Христу и Твоему, Пречистая, небесному покровительству. Аминь.
Об избавлении младенцев от родимца (болезненного припадка) – великомученику Никите, 28 сентября.
Молитва святому великомученику Никите
О великий страстотерпче Христов и чудотворче, великомучениче Никито, припадающе ко святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: явя нам смиренным и грешным святое и многомощное твое заступление, се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити: но тебе молитвенника к Нему благоприятнаго предлагаем, и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем суде Христове: еще же, о страстотерпче Христов, у Царя Небеснаго испроси мир, здравие и спасение и на враги победу и одоление [всему же Богохранимому царству его благоустроение], тишину и благоденствие, Христолюбивому воинству [его] буди соратай и помощник на враги, и всем людем православным яви твое святое заступление: болящия исцели, скорбящия утеши, бедствующим помози: ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им во смирении и терпении носити иго Христово, и от всяких бед и искушений милостивне избави: всехубо нас приведи в тихое пристанище спасения, и наследники сподоби быти пресветлаго царствия Христова святыми твоими молитвами: да славим и поем великия щедроты Отца и Сына и Святаго Духа, в Троице славимаго и покланяемаго Бога, и твое святое заступление, во веки веков.
Об исцелении младенцев от оспы — мученику Конону, Градарю Исаврийскому, 18 марта.
Об исцелении от трясовичной болезни (лихорадки) – преподобному Марону Сирийскому, 27 февраля; мученице Фотинии самарянке, 2 апреля; преподобному Василию Новому, 8 апреля.
Молитва преподобному Марону пустыннику
О возлюбленная и священная главо, преподобие и Богоносне отче наш Мароне! Назирай свыше милостивно нас грешных, и молися всещедрому Владыце и всех благ подателю Богу о соблюдении державы и спасении во Господе нашем Иисусе Христе: буди же молебник и о нас недостойных, ко всеблагому Господу честнии твой руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешением нашим прощение испроси, и спасены Христу нас представи, во еже в день Страшнаго суда с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченней радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со безначальным Его Отцем и с Пресвятым и Благим и Животворящим Его Духом, ныне и присно и во веки веков.
