Радуйтеся, от первоверховного служения избрании, небесными покровителями Державы Русской ставшии!
Радуйтеся, от Святой Руси в Небесное Отечество прешедшии!
Радуйтеся, всем верным православным Царствие Небесное стяжати помогающии!
Радуйтеся, невинных всех страдальцев защитители!
Радуйтеся, всех за правду скорби претерпевших покровители!
Радуйтеся, всех истину лукавством подавляющих перед людьми и Богом обличители!
Радуйтеся, всех скорби Христа ради претерпевших в Царствие Небесное сопроводители!
Радуйтеся, троице святая – первоверховнии князья и Христовы страстотерпцы Борисе, Глебе и Игоре!
Икос 10
Спасти хотя души своя, троице святая Борисе, Глебе и Игоре, ничтоже против своих мучителей рекли есте, скорби и болезни, почестей княжеских, иже по праву вам принадлежаша, земной власти и самой жизни лишение кротко претерпели, волю свою в волю Творца всяческих, Имже царствую и правители правят, смиренно предали есте, ныне на Небесах Тому предстоия, ходатайствуете о всех спасения ищущих, а наипаче о невинных страдальцах и нас, земных сродниках ваших всех Правителю, Иже слышит от вас:
Аллилуйя!
Икос 10
Стена еси всем к вам прибегающим есте, троице святая Борисе, Глебе и Игоре, яже, зряще чудеса ваша, яже от ваших мощей и славной иконы Божией Матери, иже Игоревской наречется, исходят, напояя всю Вселенную, а наипаче землю Русскую, на нейже молитвами вашими отпущение всех грехов от Единого власть Имущего отпущати грехи прияли есте, Иже научает приглашати вас сице:
Радуйтеся, чудесами вашими всю Русскую Державу напоившии!
Радуйтеся, теми чудесами всех живущих во Вселенней удивившии!
Радуйтеся, всю силу дьяволю в стране нашей силой Божией поправшии!
Радуйтеся, хотящим стране Русской верою служити опорой верной ставшии!
Радуйтеся, всех истину лукавством подавляющих пред Богом обличители и наказатели!
Радуйтеся, всем в жизни своей истины взыскующим верного Пути – Христа и Бога указатели!
Радуйтеся, всех гонимых и обидимых в Земле Российской утешение!
Радуйтеся, всех воюющих за правду и Державу Русскую покров и защищение!
Радуйтеся, троице святая – первоверховнии князья и Христовы страстотерпцы Борисе, Глебе и Игоре!
Пение всякий православный христианин вам непрестанно приносит, троице святая первоверховныя князья Борисе, Глебе и Игоре, вы бо души своя во основание Святой Руси положив, единением своим перед Престолом Пресвятыя Троицы нераздельное единение народов Великия, Белыя и Малыя Руси явили сесте, подвизая всех верных вопияти о вас:
Аллилуйя!
Икос 11
Светоприимную свещу, во мраке жития земнаго нашего сущую, зрим святыя жития ваша, братия наша святыя Борисе, Глебе и Игоре, невещественный бо вжигая огнь, наставляет к разуму Божественному вся, хотящих по Христу строити жития, за то званиими почитаемыя сими:
Радуйтеся, кротостию и смирением козни врага низложившии!
Радуйтеся, злобу злобу человеческую и диавольскую победившии!
Радуйтеся, похоть плоти, очес и гордыню житейскую ни во что же вменившии!
Радуйтеся, нас, меньших братьев ваших, шествовати вашим путем научившии!
Радуйтеся, Камень Несекомый – Христа – Вашим смирением во основание Дома своего – Святой Руси утвердившия!
Радуйтеся, и нас не о славе тленной земной, а о украшении Отечества Своего и Дома Небесного пещитися нас научившия!
Радуйтеся, и нас, меньших братий ваших, о славе Отечества радети примером своим научающии!
