Таза ойлор Так сөздөр - страница 51

Эми, тамак бууп, жан кыйнаган сезимди кантип кетирсе болот? Ал үчүн төмөнкү көнүгүүнү жасап көр, пайдасы тиет.

Кыялыңда денеге толуп калган кир, капкара ойлорду, сезимдерди, өтө чоң кубаттагы “нурду” элестетип же «лазер нуру» менен күйгүзүп жибер да ордуна таза жарык нурду элестет. Бул элестетүү менен болот. Күндү нурун элестетсең жакшы, себеби, күн нуру кандай экенини билесиң.

Эмнеге таза, жарык нурду элестетебиз? Жарыктык– бул жашоо, жылуулук. Эми, организмдеги толуп турган мусорлор сыртка чыгып орду бош калды. Эгерде, ал боштукту таза, жаңы, нур менен толтурбасак анда кайра эле кир, кара ойлор, кара нурлар толуп калышы күтүлөт. Ошондуктан, “ боштукту” дайыма өзүң каалаган жакшы сезимдер менен “сүйүү, кубануу, бакыттын жарык, таза нурлары” менен толтуруу керек. Күндүн нурун элестетүү көкүрөктү жумшартат.

Аны кантип жасаса болот? Ал деген нерсе сени сүйүнткөн, кубанткан ойлорду ойлоо. Бир эле убакта элестетүү менен жаңы жашоонун образын кошо түзөсүңөр же өзүңдү өзүң ден соолугу чың акыбалда элестетип, сезесиң. Ал сезим менен өзгөрөт. Өзүңдү жакшы сезгениң, окуянын өзгөргөнү ошол.

Мына эми, көз алдыңа жарык нур пайда болду. Бул кыял менен сезилет же көздү жуумп көрсө болот. Ар кандай “радуга” сыяктуу же ак, күлгүн, жашыл, сары ар кимге ар кандай түстөр көрүнүшү мүмкүн башкача айтканда ар ким ар кандай акыбалда элестетет же көрөт.

Кээ бири ачык көрсө, кээ бири кыялы менен эле басып баратып деле иштеп кете берсе болот. Себеби, ал образдардын дүйнөсү. Негизгиси, сенин сезимиң. Сезимиң оңолсо, окуя өзгөрөт, ден соолук жакшыра баштайт. Ар кандай шартта көңүлүңдү сени кубандыра турган нерсеге бурганды адатка айлант.

Жумуш ордунда отурган адам бир аз көзүн жуумп дем алып, дем чыгаруу жолу менен жумуштагы кыжаалатчылыкты, нервдердин кысылуусун, стрессти, ар кандай талашып тартышууларды оюнан чыгарып таштаса болот. Бул нерсе ойдун агымын токтотуп, денени нурлар менен жууп тазалайт. Бир эле убакта көздү 2-3 минута жуумп отуруу менен көздү эс алдырып алса да болот.

Мындай нерсеге өтө берилип кечке отуруп жасоонун кереги жок. Жашоону азыр жашаш керек. Ал деген нерсе ар бир көз ирмемди кубанып, болгон нерсеге ыраазы болуп жашоону үйрөнүү. Эгерде күнүгө бош болгон убакта 15-20 минут убактыңды бөлсөң “тазалануу” тезирээк жүрөт.

Күнүгө турмуштан алган терс эмоцияңды, күнүгө тазалап, жууп таштоо ден соолуктун чың болушуна эң сонун шарт түзөт. Себеби, бир күндүк адамдар менен болгон мамиле дененге ар кандай кир, жагымсыз энергияларды киригизиши мүмкүн. Эгерде арызданып жашаган адамдардын катмарында болсоң. Ошон үчүн ар бир адамдын өз алдынча жеке мейкиндиги, бөлмөсү, жатканасы болушу зарыл. Албетте жаткан бөлмөдө эч кандай үн угулбаганы жакшы, телевизор, холодильник, телефондун, ар кандай дүкүлдөгөн музыканын үнү угулбаса дене жакшы эс алып, мээ өз функциясын так аткарышына шарт түзүлөт.

Жатаар алдында, кыял менен шаркыратманын түбүндө туруу же сыя көк түстү элестетип денени бүт каптап жууп кетти деп ойлоо дагы жакшы жардам берип, тынч уктоого болот. Дененин “энергетикалык катмары” дагы кийим кирдегендей тез – тез кирдеп турат.

Бул метод жашоонун баардык тармагында иштөөчү эң сонун жана жөнөкөй жол.

Шофер болсоң, чарчаганда машинеңди бир аз токтотуп отурган жериңде, же жерге түшүп ыңгайлуу дем алып, дем чыгар. 5-7– жолу. Эффективдүүсү, ордунан туруп жасоо, себеби, уюган булчуңдар жазылып, кан айлануу менен нур айлануу калыптанат, дененин энергия жетпей жаткан жерлерине, суу ичкендей тарап, дене эс ала түшөт, ныксыроо, уйкусроо тарткайт.